Ua sau le augani i tagata Canterbury e tuu ED poo Emergency Departments i gasegase o loo moomia vave togafitiga.

O le Aso Gafua e 336 tagata na aga’i atu i le ED a le falema’i i Kalaiesetete, ma e ta ane le 7 i le afiafi e 131 gasegase na mafai ona vaai ae o le isi uma to’atele o loo faatalitali.

E ese mai le falema’i a Kalaiesetete o le vaiaso nei foi o loo tatala ai le Moorhouse Medical’s Urgent Care facility i itula pupuu ona o le utiuti o le aufaigaluega, lea ua vave tapunia ai i le itula e 4 i le afiafi.

Ua valaau mai ai le pule sili o le Te Whatu Ora Waitaha Canterbury, Dr Richard Laing i tagata e ave le faamuamua i ma’i o loo moomia vave poo faalavelave faafuase’i e o i le ED.

Ua faatoese ai ma le pule sili i le to’atele o loo taliga i le fiu e tatali se foma’i ona o le to’atele o le aufaigaluega ua aafia i faama’i.

Ua toe sau ai foi ma le faamanatu o loo mafai ona valaau le Healthline mo fautuaga faia fua pe afai e lē mautinoa pe alu i le ED pe leai.