Ua taoto atu nei i le malo le tuualalo a le itumalo o Safata e ala mai i le sui faipule o Safata 2 le afioga Tuia Pu’a Fuatogi Letoa, i le aveesea o le manuao o le malo o Niu Sila le Manawanui o loo goto i gataifale o lea itumalo.
O le saunoaga faalaua’itele a le sui faipule i le tala o le tupe na afea ai le sefulu miliona o le taui mo Safata ma ave ai ma le tuualalo i le aveesea o le manuao.
Sa faailoa ai foi e le afioga Tuia le faatusatusaga o le taui e 700 miliona tala Niu Sila na maua e se ituaiga o tagata Maori mai se vaa oloa o le atunuu o Italia na goto i gataifale o Tauranga i Niu Sila ma le sefulu miliona o le taui mo le itumalo o Safata.
Se vaega o le saunoaga a le sui faipule o Safata 2 i le talanoaina o le tala faatatau autū o le tupe, le afioga Tuia Pu’a Fuatogi Letoa.
