E lua itu na talosaga ai le taitai o le Itu agai i le Palemene le Tofa Lauofo Fonotoe Nuafesili Pierre i le malo ananafi, ia faafeoai fua taavale a le au penisione i le va o Upolu ma Savaii ma ia toe siitia le penisione mai le $200 i le $300.

O le saunoaga a le taitai o le Itu agai o le vaai lea i le toatele o mātua penisione ua fai taavale ona o faamanuiaga maua mai fanau o loo i galuega faavaitaimi peitai o le mea o loo tupu e foi mai loa le fanau faatau ese le taavale, ma o le toatoele foi o matua tausi e agai mai e vaai fomai iinei i Upolu o se tulaga talafeagai lea ma le tau foi o loo siitia ai pea le penisini 

O loo talosaga Lauofo i nai malaga pe ā ma le faatolu i le tausaga e amata ai ae le o malaga uma mai Savaii.

O loo faaauau pea le fonotaga i iuga o lipoti a Komiti faapalemene.