Ua toe valaau mai leoleo e tautuana lou saogalemu i luga o le alatele, a o alu pea i luga le fuainumera o tagata ua ma’umau soifua ona o faalavelave tau taavale.

O lea ua 14 tagata maliliu ua faamauina i totonu o lenei Kerisimasi ma le Tausaga fou.

O se talosaga ua toe sau ai a o sauni le toatele e le gata e toe foi i aiga i le mae’a ai o tafaoga a o nisi foi o faasauni.

O le augani ia manatua fusipau, aua le avetaavale pe a lē lava le malosi, aua le ave taavale saoasaoa ma ia maua le onosai.

I faamaumauga e lei faamautuina, e 377 tagata ua maliliu i luga o le auala i le 2022 ma o se maualuga tele lea talu mai le 2018.

O tagata maliliu ona o faalavelave tau taavale o le Kerisimasi ma le Tausaga Fou o le tausaga faatoa uma atu e 16.