Ua tapena e le faamasinoga le faaiuga tusitusia ua faamaonia ai le moliaga e tasi o le faaoolima faasaga i se tamalii o le afioaga o Malie o le sui Komesina o Sulufaiga le afioga Maualaivao Pepe Seiuli, e tapena ai le talosaga a lana loia mo se faaiuga e faapafala ai se faaiuga o lē ua molia e aunoa ma le faamaonia o le moliaga, poo le discharge without conviction.
O le Aso Faraile na tea nei na faatulaga e lau ai se faasalaga ina ua faamaonia le moliaga peitai o le talosaga a le loia a Maualaivao Pepe ua toe tolo ai le lauina o se faasalaga i le faaiuga o le vaiaso nei.
O le moliaga ua faamaonia e afua mai i se fono a le nuu na tulai mai ai se feteenaiga i le va o lē ua molia ma lē na tagi o se matai foi o le afioaga o Malie le afioga Maualaivao Patelesio Ah Him.
