Ua toe tolopo le lauina o se faasalaga o Daryl Mapu sa avea ma sui Komesina o faigapalota i ona moliaga ua faamaonia o le umia o le pauta faasāina o le aisa ma le umia o ni laau malosi e le faatagaina i Samoa, e pei ona sa faatulaga e aumai se faasalaga i le Aso Faraile na tea nei.
Ua faia lea faaiuga e tolo, ona ua iai se talosaga a le ua molia e ala i lana loia, ina ia suesue muamua le talosaga ua apili ai le faaiuga a le faamasinoga sili ua faamaonia ai moliaga o Daryl Mapu.
O le lua vaiaso talu ai na tuuina atu ai lea talosaga ma e lei iloa se aso e fofogaina ai mo se suesuega e iloa ai le talia ma le lē talia o le apili, poo le leave to appeal.
O le vaiaso nei e suesue ai le talosaga i le faataatia o le lauina o le faaiuga se’i mae’a ona tagofia le talosaga apili a Daryl Mapu ma lana loia.
