Ua iai le talitonuga o le matagaluega o tiute ma tupe maua e pei ona faailoa e le Minisita o lea matagaluega i taualumaga a le Palemene ua mae’a, ua gaosi pe kuka i Samoa le nakoti poo le pauta faasāina o le aisa.
O loo faatino e le matagaluega ni feutana’iga ma le Malo o Niu Sila ma Amerika Samoa mo le aumaia o nisi taifau sosogi e fesoasoani i le leoina o tuaoi, ma o loo tūtūaai foi matagaluega uma e pei o le matagaluega o leoleo e galulue faatasi ma le ofisa o le tiute, e puipui tuaoi o Samoa mai le sao mai iai o pauta ma laau faasāina, aemaise lava i le faagasolo ai o tapenaga mo le fono a Malo o le Taupulega.
Le Minisita o le Matagaluega o Tiute ma Tupe Maua le afioga i le Sui Palemia, Afioga Tuala Tevaga Iosefo Ponifasio.
