E 28 atunuu o le lalolagi o le a malaga mai i Samoa a latou au vaaalo mo le taamilosaga faavaomalo i lea taaloga o le a auai ai le tusa ma le 2 afe tagata.

O gataifale o le taulaga o Apia o le a faagasolo ai lea faamoemoe e pei ona faailoa e le komiti o tapenaga, ua faatumulia uma ai potu o faletalimalo.

E lua miliona le tau o le faatupeina o lea tuuga vaaalo e faaaogā ai ituaiga o paopao faapei o ni vaa Niue ma o Tahiti e fausia ai.

O le atunuu foi lea o le Pasefika e pito malolosi ma lelei ona auvaa i le taaloga peitai o Niu Sila o loo umia le siamupini i le taimi nei, talu mai le tuuga vaaalo faavaomalo o le tausaga e 2019.

O le faatoa toe faataunuuina lea o le tuuga ma talimalo ai Samoa i le tuanai o le lua tausaga o tapunia tuaoi o atunuu o le lalolagi ona o le faama’i koviti.

E le gata o atunuu o le Pasefika o le a tausinio ai ae faapea foi auvaaalo mai atunuu Europa.