Ua talia ma le fiafia e le taitaifono a le Te Matatini le faamautu atu e le malo o le 28 miliona mo le faatupeina o le faia o le kapa haka i totonu o vaega o Niu Sila aemaise le fuafuaga e faia tai lua tausaga le Te Matatini.
Fai mai le Ofisa Sili o Carl Ross o le faamautuina atu e le malo o lea fesoasoani o le a faaaloalogia ai le gauai e faatino le fiafia i le kapa haka ma sona sao lelei i tagata.
E le gata la ina fesoasoani le vaegatupe tele lea mo le faatupeina o le faamoemoe faavaomalo ae ua avea foi o se tautinoga i le tāua o le faasaoina o ia measina a le atunuu i lona aotelega.
E masani ona oo atu i le 70 afe i latou e maimoaina le faaaliga tele lea o le Te Matatini Herenga ma le isi 1.8 miliona e maimoa atu i luga o upega tafailagi.
