E sese le faai’uga a le Peresetene o Amerika, Donald Trump ma lana faigamalo lea ua taufaamata’u ai nei Saina ma isi atunuu latou te totogia le 10% o lafoga i luga o oloa e faatau atu ia Amerika.
O le Aso Toonai na poloa’ia ai e Trump le faia o le 25% o lafoga totogi i luga o oloa e faatau atu a Kanata ma Mexico, ae o Saina e 10%.
Na tali mai Saina ma fai mai, ua soli e lea poloa’iga tulafono o fefaataua’iga faavaomalo.
A o faasese ai e Saina lafoga totogi nei, ua sau ai ma le tala o le a lu’i e Saina lafoga nei i le World Trade Organization pe a feiloa’i.
Mai le aotelega o le faagaulemalie o Saina e tauala mai lana matagaluega o pisinisi ananafi, o loo tu matila le lē fiafia i fefaataua’iga e aofia ai vailaau fentanyl lea o loo faaaogā e gasegase ua tigaina.
E ese mai ia Saina, o lea foi ua tali mai Kanata faapea Mexico, o le a la’ua faia lafoga faaopoopo e tatau ona totogi e Amerika i ana oloa o loo maketi atu i atunuu nei.
O lafoga totogi faaopoopo nei mo atunuu ua ta’ua, o lea e aloa’ia mai le aso a taeao.
Puna o Faamatalaga: China denounces Trump tariff: ‘Fentanyl is America’s problem’ | RNZ News
