O loo tālia nei su’esu’ega a leoleo i se pepe ua tasi le tausaga ma masina e fā lona matua na lipotia le fano o lona ola ina ua mu le fale o se aiga i Tuanaimato i le taeao o le Aso Tofi na te’a nei.
O se faalavelave na faasaoina ai le soifua o se tina matua ma isi tagata e to’avalu e aofia ai ma ni fanau ae na faatama’ia uma le fale i le afi.
O le polokalame fesoasoani a le Ekalesia Katoliko le Caritas na muamua taunuu lana fesoasoani o taumafa ma isi vaega mana’omia mo lea aiga, faaopoopo iai nisi o le au agalelei mai lo tatou atunuu.
O le fautuaga e lē o tuua pea o le siaki vaega uma o le fale poo saogalemu i le taimi a o le’i tofafā, ma le taimi e oese ai ma le fale.
O vaega e a o ona silasila iai poo saogalemu o ogaumu kesi ma ogaumu e ola i le eletise faapea masini e alu i le eletise, aemaise o tulinamu.
O su’esu’ega o loo faagasolo o le a iloa ai le mafuaaga o lea faalavelave tau mu.
