O le po anapo na fofogaina ai faafaamasinoga poo le judicial hearing le mataupu a le alii taaalo Olo Peleki ma le Hurricanes ia Ardie Savea ona o se gaioiga na ia faia faasaga i se alii taalo a le Rebels e pei ona ia faaaoga ai lona lima e faaata ai peiseaī o loo sesele lona ua (tulou) throat-slitting gesture.
O lea taaloga na faia i le faaiuga o le vaiaso talu ai ma e talitonu le Komiti a le SANZAAR Foul Play Review e tatau ona fai se faaiuga faafaamasinoga a le Lakapi i le alii o Ardie.
O loo masalomia ua solia e Ardie le tulafono 9.27 a le taaloga e faapea e le tatau i se tagata taalo ona faia ni gaioiga e aafia ai le agaga o tagata taaalo lelei poo le good sportsmanship.
Na faatoese Ardie i le alii taalo a le Rebels e ala i lana gaioiga sa fai i luga o le malae taalo ma le faamoemoe e le oo i se gaioiga tau faamasinoga peitai o lea ua faailoa mai e tatau ona faia i le po anapo.
Na tautino Ardie i le lē talafeagai o lana gaioiga na fai ma na ia faailoa o soo se vaega lava e tulai mai luga o le malae e mae’a a le taaloga ma uma ai peitai o lea ua oo i tulaga maualuga ma o le a iloa se faaiuga e oo ai pe a mae’a le iloiloga faafaamasinoga.
