O se taimi o le asō e faamautu mai ai le faai’uga o le mataupu o loo tulituliloa e le to’atele, poo ai le setete o le a talimalo i le sailiga siamupini o le taamilosaga liki. 

Fai mai le Premier o Kuiniselani, Annastacia Palashazhuck ua sauni Kuiniselani e talimalo i lea faamoemoe. 

O loo feutaga’i pea le pulega o le taaloga, le komisi ma le malo o Niu Sa Uelese i le mataupu lea talu ai le folafolaga a le Premier a NSW o Dominic Perrottet na tuuina ai le 800 miliona mo le faatupeina o malaetaalo poo stadiums i Niu Sa Uelese.  

Fai mai Kuiniselani ma le latou Premier e ui o le faai’uga o loo faatali ai e mo le lakapi liki lava ia, ae ua nofosauni lava lo latou setete e talimalo.  

O se taimi o le asō ua fuafua e faailoa mai ai le faai’uga o lea mataupu.