O loo faigata ona mautinoa le pulenuu fou o Gore, peitai e foliga mai e ono faamanuiaina le alii talavou ia Ben Bell.

E 23 tausaga o le sui momo’e ia Bell, ma i le faitauga le aloaia na faailoa mai ananafi e 2,346 palota na ia maua, ma e 13 ana palota e silia ai i palota a Tracy Hicks.

O lea o loo faasolo le faitauina o palota faapitoa, ma o le Aso Tofi o loo tālia ai le iuga aloaia mo Gore.

O Hicks ua faafitu ona tulai mai i le tofi pulenuu o lea itumalo, ae o lea faatoa tauva Bell ma afai ae manuia o lona uiga o ia o le pulenuu aupito i talavou lona matua.