O le taeao sesegi o le Aso Tofi na faatino ai e le nuu o Fasitoo uta faapea le aiga o lē ua molia i le solitulafono o le fasioti tagata faamoemoeina, le ifoga faasamoa i le aiga ma le nuu o Nofoalii na faatino muamua ai lea solitulafono matuiā.

Na faaalia e se molimau faatuatuaina o le talia ai o le ifoga na alo ai le paia o aiga ma le nuu o Fasitoo uta i faaaloaloga mo le paia maualuga o le nuu o Nofoalii ae faapea i le aiga o lē na maliu i le solitulafono.

O tupe ma ie tetele o le Malo na faatino ai faaaloaloga masani.

I suesuega a leoleo i le maliu ai o se tamā mai Nofoalii faapea se malu o le Malo i lea faalavelave, ua faailoa e le Komesina o leoleo o loo tālia le taotoga faapitoa mo i la’ua ua fano soifua.

Na faaalia foi e le Komesina le susuga Auapaau Logoitino Filipo, o le laau malosi o loo masalomia na faatino ai le solitulafono e lei laiseneina faaletulafono.