E iai se vaega o puleaoga o aoga tulagalua ua o latou taliaina le ofo o totogi na aumai e le malo ananafi.
O le iuni a le Primary Principals Collective Bargaining lea ua ia taliaina le maliega e aofia ai le $4000 siitaga o totogi o lenei tausaga ma le 3% siitaga o le tausaga a sau.
O le iuni lenei na tuufaatasia e le Prinicipals Federation i le 18 masina talu ai ma o loo ia tu ai mo le 15% o puleaoga o aoga tulagalua.
O le isi iuni o loo tu mo isi puleaoga, Educational Institute Te Riu Roa, e na te lei taliaina le ofo na aumai e le matagaluega o aoga.
Ae i puleaoga o aoga maualuluga o lea na iai iuni e lua o loo fai ma o latou sui, ma o lea foi na o laua taliaina le ofo tutusa lava lea e tasi mai le matagaluega.
