Ua tali mai le ofisa o Saina i Ueligitone i nisi o faamatalaga sa faia e le Security Intelligence Service (SIS) e faapea o le malo o Saina e iai mea ua faalavelave ai i Niu Sila.
O se lipoti mai le SIS i le Aso Faraile talu ai na iloa ai o Saina, Lusia ma Iran o loo iai a latou matafaioi i le faalavelavegia o mataupu tau foreign interference ma ta’ua ai o a latou gaioiga ia e ono iai ni aafiaga e alia’e mai ai.
O loo faailoa foi i le lipoti na mataitu foi e Saina ma ono iai ni faamata’u na faia i tagata Niu Sila sa faitioina le latou faigamalo.
O loo faailoa foi o loo manino le SIS i gaioiga o loo faia i totonu ma agai mai ia Niu Sila.
O le tali la na maua mai le ofisa o Saina i Ueligitone e tusa o le lipoti ua ta’ua ai e lei iai lava se faalavelave a Saina i nisi atunuu ma a latou mataupu faalotoifale.
Ua o latou faailoa o talanoaga ma fesootaiga a le malo o Saina ma ona tagata o loo aumau ese mai lo latou atunuu, o faiga masani lava.
