Ua faaalia ai e le Faalapotopotoga o Teugatupe Faavaomalo a le atunuu le Samoa International Finance e lē sa’o ni vaega o ripoti o faamaumauga i teugatupe faavaomalo poo le Pandora papers lea na liki mai tua ma faasalalauina ai le aafia ai o Samoa.
O ia faamaumauga lea na faailoa ai le faaaogaina e ni tagata mauoa i le lalolagi o Samoa o se atunuu e fai ai teugatupe faavaomalo e aunoa ma se totogiina o ni lafoga.
Faailoa e se pepa o faamatalaga a le SIFA o le tele o pepa o faamaumauga ua liki mai tua e afua mai i le vaitau o le tausaga e 1980-1990. Peitai talu mai na tausaga ua tuanai ua taoto i se tulaga sagatonu tulafono mo le faagaioia o teugatupe mai fafo lea e ave e teu i Samoa ma o loo galulue pea le pulega e usitaia aiaiga ma tulafono faavaomalo e faasino i ia auaunaga ma le faanaunautaiga e faatosina mai pea teugatupe a tagata ma pisinisi mai fafo r teu faafaigaluega i Samoa.
O se tasi o faamaumauga o pepa o le Pandora papers o loo faailoa ai se alii tausi tusi i Ausetalia na lotolotoi i le faataatiaina o le auivi o le tulafono o teugatupe mai fafo mo Samoa ma o lona auai i ia tapenaga na ia tala’i ai i le lalolagi o Samoa le isi atunuu e lelei ana tulafono ma malu puipuia ai teugatupe
Ua faaalia e le SIFA le faalapotopotoga teugatupe faavaomalo a Samoa ua le’o se itu lelei le tusilima ia Samoa i le aafia i ni faiga faaalatua e fesootai i faamaumauga ma faasalalau i ia pepa peitai o le atunuu o Singapore o loo iai le Ofisa o le Asia City sa faagaioia e lea tagata tausi tusi poo se accountant mai Ausetalia lea faia o fesootaiga mo tupe mai fafo e teu i Samoa.
Faailoa e le tamaitai Palemia i ni ripoti o le faia o se sailiiliga i ia pepa o le a iloilo ai le tulaga na faagaioia ai teugatupe faavaomalo i le taimi o seei le faigamalo talu ai i le pulea o le Mālō
ma le atunuu.
