O lea ua faailoa e le Pulega o le Kamupani vaalele a le Samoa Airwyas ua ave sese e ni faasalalauga ripoti o faamatalaga tau tupe e lei tuuina atu i le Matagaluega o Faalapotopotoga Tumaoti a le Mālō.
O le lipoti lea o tupe faaalu a le Samoa Airways mo e tausaga faaletupe 2019 -2020 ua faaalia e le Pulega o le Kamupani vaalele i se pepa o faamatalaga na mafua ona lē maea ona tuufaatasi ona o le masina o Mati i le tausaga ma tea nei na faamālōlō ai nisi o lana aufaigaluega. Talu mai lena taimi e na’o le 15% le aofaiga atoa o le aufaigaluega o loo galulue pea i aiaiga e na’o le 50% faamanuiaga tau totogi e agavaa iai i latou.
Ua faaalia foi e le Pulega o le Kamupani vaalele a le atunuu o loo faaauau pea ona galulue faatasi matagaluega o faalapotopotoga tumaoti a le Mālō e faamaea ia ripoti ao le’i tuuina atu e tusa ma manaoga o faiga faavae o Pulega lelei.
O le faaiuga o le masina fou lenei o Oketopa o le a tuuina atu ai nei ripoti i le Minisita o le Matagaluega.
O le tuai maua o nei faamatalaga tau tupe a le Samoa Airways na lipotia ai se finagalo o le Minisita o Faalapotopotoga tumaoti uma a le Mālō le tōfa Leatinuu Wayne Sooialo i le faia ai o se suesuega agai le Komiti faafoe o le Samoa Aiways e saili ai mafuaaga o le tuai o ripoti e lei tuuina atu.
