Ua mae’a i le Aso Tofi o lenei vaiaso le konekarate 3 tausaga a le Ofisa Sili o le Pulega o Tagata Tafafao le susuga Faamatuainu Lenata’i Suifua ma ua lē toe faaopoopoina ai ma le taimi e faaauau ai a o tālia se faai’uga i talosaga ua tuuina atu mo lea avanoa.
O loo toe talosaga o ia i le tofiga Ofisa Sili o lea auaunaga a le Malo, peitai i se talanoaga ma Faamatuainu sa ia teena ai ni lipoti ua ta’ua ai se faai’uga a le Kapeneta ua faamuta ai lana konekarate.
O le taunuuga o su’esu’ega i ni tuua’iga a nisi o tagata faigaluega o le pulega o tagata tafafao na ave ai ona aso livi poo aso mālōlō faapitoa ae tālia se faai’uga o ia su’esu’ega e pei ona fautuaina i le mae’a o ia sailiiliga le faia o se lapata’iga poo se warning i le Ofisa Sili.
