O le feiloaiga a le Palemia o Niu Sila o Chris Hipkins ma le Palemia o Ausetalia o Anthony Albanese i le vaiaso nei i Canberra ua lipotia mai sa tagofia ai mataupu e pei o le toe tipoti atu o tagatanuu o Niu Sila mai Ausetalia pe a solitulafono, atoa ai ma le mataupu i ni vaega e agavaa iai tagata Niu Sila o loo aumau i Ausetalia i le taimi nei.
Na saunoa Albanese o se tasi lea o aso tāua i le mafutaga a atunuu e lua ma e tāua tele le taumafai pea o atunuu e lua e faufau le la sootaga i le tele o mataupu aemaise ai le fesoasoani mo le Pasefika.
Na lipotia e le ABC o le tasi mataupu tele e pei ona faalauiloa poo le ā se gaioiga a Ausetalia o le a fai mo tagata Niu Sila o loo aumau nei i Ausetalia pe o le a mafai ona palota ma agavaa foi i nisi o faamanuiaga i tulaga o togafitiga faafomai ma le medicare aemaise o se fesoasoani i le mataupu o le talosaga ai mo le avea ma sitiseni o Ausetalia.
Ua ta’ua o loo iai le isi feiloaiga a taitai e toalua ua faatulaga mo le masina o Aperila ma o i e ono maua ai se tali mautu o nisi o nei mataupu.
