Ua faasolo lava ina leotetele ane talanoaga i le mataupu e faatatau i le ala laupapa i Aukilani le Auckland Harbour Bridge lea fai mai finagalo faaalia o nisi e maluelue pe a toatele tagata e savavali ai luga.
E ui i lea tulaga ae ua faailoa foi i lipoti a le RNZ le faatulaga pea e le Auckland Transport o nisi o savaliga tetele i lea nofoaga peitai na toe faaleaogaina ia Mati o le tausaga nei ona o le faaletonu o le tau.
Fai mai tusitusiga i le RNZ o loo faailoa i faamaumauga ua leva ona logoina le mataupu i le Auckland Transport mo le faaleleia peitai e le o iai se mea o faatinoina iai.
O loo ta’ua foi nisi o masaloga mai ia latou e masani ona faaaoga le nofoaga lea mo tietiega uila ma o latou talosagaina ai foi le faapatino ane o se isi laina mo le faaaogaina e uila e ese mai le vaega e savavali ai tagata.
O loo faatalia se finagalo o le Auckland Transport i le mataupu.
