E oo mai i le afiafi ananafi ua silia ma le 300 tagata ua aveesea mai Niu Kaletonia e pei ona iai malaga laveai na amata faia i le vaiaso talu ai.
O le toatele o tagata na laveai mai e tusa ma faamaoniga mai le Palemia Christopher Luxon, o tagata sitiseni Niu Sila e aofia ai ma isi tagatanuu.
Toe 20 tagata Niu Sila o loo iai pea i Niu Kaletonia e oo mai i le taimi na tuufaatasia ai tala o le taeao nei, ma na ta’ua e le Palemia o se fiafiaga ia te ia taumafaiga ma fetuunaiga na faia e aveesea mai ai tagata Kiwi a o vevesi pea Niu Kaletonia.
