Ua lipotia se malaga a le Peresetene o Taiwan o Lai Ching e asia nisi sootaga i le Pasefika i le faai’uga o le masina nei.
Ua faamaonia mai e le sooupu a le Peresetene i le RNZ o le a asia e le ta’ita’i le Marshall Islands, Palau ma Tuvalu i le Aso Toonai o lumana’i e aga’i i le aso 6 o Tesema.
O nisi ia o atunuu o loo tumau pea ona faauo ma Taiwan i le Pasefika.
Ta’ua i le lipoti o isi sootaga sa iai a Taiwan i le Pasefika e aofia ai le Atu Solomona, Kiribati ma Nauru ua suia uma o latou sootaga ia Beijing.
Ua talia lelei uma e ta’ita’i o atumotu e tolu le asiasiga a le ta’ita’i o Taiwan ma ua nofo sauni e talimalo ai.
Puna o Faamatalaga: https://www.rnz.co.nz/international/pacific-news/534975/taiwan-s-president-to-strengthen-ties-with-pacific-allies-during-upcoming-visit
