O le faauuga a le kolisi faafaifeau i Malua i le faaiuga o lenei tausaga ua faamauina o le seleselega muamua lea ua faauu ai ma le faailoga maualuga o le Master i le mataupu silisili sa aoaoina i totonu o le kolisi faafaifeau a le ekalesia faapotopotoga kerisiano i Samoa.
E toa sefulutolu Aoao sa lesitala mo le tauaveina o suesuega o mataupu mo lea faailoga ae toatolu ua faamautu mo lea lava faailoga e aoaoina i totonu o le kolisi faafaifeau mo le tausaga fou.
O le tausaga nei e 32 Aoao ua faauu ma ua maua faailoga maualuluga i mataupu silisili aemaise o faailoga tipiloma e fesootai i mataupu o le Tusi Paia ma le galuega faafaifeau.
Na tumutumu le nofoaga autu o le Kolisi Faafaifeau i Malua i aiga ma uo o le au faauu i le faaiuga o le vaiaso mo le molimauina o le seleselega faaiu o lenei tausaga ua le gata mo Aoao o le tausaga faaiu aso ae o Aoao ma o latou faletua o loo faaauau pea aoaoga mo le tausaga muamua, lona lua ma le tausaga lona tolu.
