$105,000 ua faatupe ai e le PACMAS a Ausetalia le faagaioia o le ofisa o le JAWS
Ua mautū nei le fesoasoani a le polokalame a le malo o Ausetalia mo auaunaga i galuega faatusitala ma faasalalauga i le Pasefika e ta’ua o le PACMAS, poo le Australia Pacific Media Assistance Scheme e faatupe ai le faagaioia o le ofisa tutotonu o galuega a le JAWS poo le asosi o tusitala ma […]
Tuli le ofisa sili o le Fono Faavae a Anoamaa 2, tuua’ia i le tala ma faaaogā le 12 afe o tupe o le poloketi miliona
Ua faaamālōlō le ofisa sili sa faauluulu iai galuega o le ofisa o le Fono Faavae o le itumalo palota o Anoamaa 2, e māfua i tuua’iga ua ia tala ma faaaogā le $12,400 tālā o se vaegatupe o le poloketi miliona tālā. Ua faaalia i le tusi a le ta’ita’ifono o le komiti o […]
Fia fai se tautua a Motuopuaa Seve Henry i Vaisigano 2
O Motuopuaa Seve Henry Afereti Papalii o se tasi o tamalii talavou o le a tauva faatuto’atasi i le palota o loo loma nei mo le nofoa o Vaisigano 2. O ia o se tasi o le mafutaga e 32 o sui tauva tuto’atasi o loo tapena a manuia o le a latou soofaatasi ma […]
Tatala falepalota uma mo tagata palota o itumalo i Savaii
O le aveesea o aiaiga faaletulafono sa faamalosia ai le tatau ona aga’i o tagata palota o alala i Upolu i o latou itumalo i Savaii e palota ai, o se suiga lelei lea i le faigāpalota tele o loo loma nei auā o le a mafai ona palota i soo se falepalota. O se […]
Tatalo le Sosaiete a Loia i Samoa i se faigāpalota e tausisia aiaiga faaletulafono o pulegamalo faatemokarasi
Ua aumai faalaua’itele se finagalo o le Sosaiete a Loia i Samoa ua talosagaina ai le tausisia o le malupuipuia o aiaiga o faigāpalota mo le sologa lelei o faigā filifiliga amiotonu. O le faigāmalo faatemokarasi a Samoa o loo mausalī ai le aiā ma le agavaa tutusa o tagatānuu uma o Samoa e filifili o […]
Tatala pea le faitoto’a mo ni sui tauva e faaui i tua suafa
O le 190 o suafa o nisi o matai o nuu ma itumalo ua faaulu atu e avea ma sui tauva o le palota tele, ua faailoa e le Komesina o faigāpalota o loo matala pea le faitoto’a i le avanoa e toe faaui ai i tua ni suafa o ni sui faatutū. O le […]
32 sui tauva tuto’atasi ua mafuta ma tapena i se faai’uga e taunuu iai le palota tele
E 44 sui tauva o le faigāpalota tele a le atunuu i le masina nei, o le a tauva o ni sui tuto’atasi. O le 32 o ia sui tauva tuto’atasi ua fausia se latou mafutaga ma tapenapena ai mo le faigā filifiliga a o latou itumalo i le palota tele, ma ua tapena ai […]
Mautū le 102,236 tagata lesitala mo le lola palota aoao
Ua mae’a galuega sa toe iloilo ai le lola palota autū mo le faigā filifiliga a le atunuu i le aso 29 o le masina nei, ma ua faailoa ai e le Komesina o faigāpalota e 102,236 tagata ua lesitala nei i le lola palota autū auā le faigāpalota o loo loma nei. O lea […]
16 tagata palota o Falealupo o le a su’esu’e e le faamasinoga lo latou agavaa
E 16 tagata o loo lesitala i le lola palota a le itumalo o Falealupo o le a tutula’i i le Faamasinoga Faaitumalo i le Aso Faraile nei, e tali i moliaga mai nisi o tagata palota o lea itumalo faapalota i Savaii ua latou tuua’ia le agavaa o le lesitala o ia tagata e […]
20 moega fou ua foa’i e le kamupani o le Island Rock i falema’i i Motootua ma Tuasivi
Ua talafeagai ma fetaui le taimi o le foa’i a le kamupani agalelei o le Island Rock i moega fou e 20, ma le tele o gasegase ua taofia i le falema’i i Motootua ma Tuasivi ona o le pepesi o le faama’i fiva o ponaivi. O le pulega o lea kamupani sa malaga i […]
Faalēaogā le finauga i se totogi o tapenaga o mau ma tali tetee a le sui tauva o le HRPP
Ua faalēaogā i se faai’uga a le afioga i le Faamasino Sili le afioga Satiu Simativa Perese, le talosaga a le loia le susuga Sefo Ainuu sa finau ai e totogi atu e lē sa faauluina le tagi o se lu’i i le agavaa o se sui faatū o le patī faaupufai e puipuia aiā […]
Sesē le faai’uga na tuli ai le tama’ita’i o Taikerise Moe, e 34 tausaga o galue i le ofisa o le fono
Ua fautuaina le failautusi o le ofisa o le fono aoao faitulafono i le taunuuga o se su’esu’ega a le ofisa o le Komesina o Sulufa’iga, ina ia ave le avanoa e faamavae lelei ai le tama’ita’i o Taikerise Moe ina ia agavaa ai i faamanuiaga e tatau ona ia maua mai lana tautua i […]
Talia e le Falefitu le tuualalo a le afioga i le Tamaaiga e talia le faalauiloa a le SUP
O loo tapena le finagalo tusitusia a le Nofo a Faaaloaloga o le Falefitu o le Aiga Taua’ana, e tuuina atu e tali ai i le Komesina o faigāpalota e tusa o lona finagalo ua faailoa lautele e faatatau i se faai’uga a le Falefitu ua teena ai faalauiloa a isi patī faaupufai ae lē […]
Faaulu e le Palemia le tagi o tuua’iga sesē ma le taufaaleaga faasaga i le ta’ita’i o le FAST
Ua i aao nei o leoleo mo su’esu’ega le tagi ua faaulu e le afioga i le Palemia o le malo tausi le afioga Fiame Naomi Mataafa, faasaga i le ta’ita’i o le vaega faaupufai o le Faatuatua i le Atua Samoa ua Tasi le susuga i le Laaulialemalietoa Polataivao Leuatea Polataivao Fosi Schmidt. O […]
Faamauina le faaopoopo pea o tagata i Samoa ua maliliu i le fiva o ponaivi
I le faamauina ai o le aofa’iga e 5,670 o tagata i le atunuu ua faamaonia ua maua i āuga o le faama’i fiva o ponaivi poo le dengue fever talu mai Ianuari o le tausaga nei, o fuainumera lata mai ua iloa ai le faaopoopo pea o tagata i Samoa ua aafia i āuga […]
150 avanoa mo tagatānuu Samoa i le polokalame e nonofo, a’o’oga ma faigaluega ai i Ausetalia
O le 3 afe o avanoa mai atunuu o le Pasefika ua latou talia e auai i le polokalame a le malo o Ausetalia e talosaga ai i ni visa e nonofo ai i lea atunuu ma faigaluega, ma ulufale ai foi i a’oa’oga, o Samoa e 150 avanoa na te maua i lea aofa’iga. […]
Finau le sui tauva o le SUP e lē faamalieina aiaiga o le monotaga a matai na faauluina le sui tauva o le FAST
Ua i luma nei o le faamasinoga o faigāpalota mau a le sui tauva o le vaega faaupufai o le Samoa ua Potopoto le afioga Tuala Toiaivao Tevaga Iosefo Ponifasio, ua ia finauina ai se poloa’iga e faalēaogā ai le avea o le tofa Vaaaoao Salumalo Alofipo ma sui faatū mo le faigā filifiliga a […]
Faatali le faai’uga o le lu’i a le ta’ita’i o le FAST faasaga i le sui tauva tama’ita’i o le HRPP
Ua mae’a le vaiaso ua mavae sa amata fofogaina ai nisi o tagi faasaga i agavaa o nisi o sui faatutū ma faai’uga a le Komesina o faigāpalota, ma ua tālia ai nei se faai’uga o su’esu’ega o le lu’i a le sui faatū ma le ta’ita’i o le vaega faaupufai o le Faatuatua i […]
Faasusu pepe i o latou tinā o se isi puipuiga lelei o le fiva o ponavi
Ua faagasolo i lenei vaiaso i lo tatou atunuu polokalame faatino a le matāgaluega o le soifua mālōlōina ua faatāua ai le faasusu o pepe i o latou tinā o se tasi o puipuiga lelei mo le ola tuputupu a’e o fanau. O le Minisita o le matāgaluega sa ia tatala aloa’ia lea polokalame ma […]
Tu malosi le lagolago a le ofisa o le Komesina o Sulufa’iga i aiā tatau o tagata e filifili sa’oloto ai i faigāpalota
Ua aumai faalaua’itele e le ofisa o le Komesina o Sulufa’iga se faamanatu tāua a o tapena ai le atunuu i lana faigā filifiliga e ala i le palota, i le tatau lea ona amana’ia le sa’olotoga o tagata Samoa uma e faailoa ma faatino ai o latou tiute o tagatānuu ma aiā tatau i […]
To’alua le ‘auuso tama ua fano ola, ua siitia ai i le to’alima tagata ua maliliu i le dengue fever
E lē o mapu le Matāgaluega o le Soifua Mālōlōina i le taulogologo pea i le atunuu aemaise o mātua, ina ia vave ave alo ma fanau e vaai se foma’i, pe a vaaia āuga tigāina o le faama’i fiva o ponaivi poo le dengue fever o loo pesia ai le atunuu. Faaalia e le […]
Fano le isi ola i āuga o le fiva o ponaivi
Ua iai le isi ola ua fano e māfua i āuga o le faama’i o le fiva o ponaivi e pei ona lipotia ai e le nusipepa o le Samoa Observer, peita’i talu mai le isi maliu o se tasi o le fanau i le amataga o lenei vaiaso i āuga lava o lea faama’i […]
Taofi e le faamasinoga tagi e lua a sui faatutū o le FAST i agavaa o sui faatutū o le HRPP e tauva ai i le faigāpalota
Ua lē mafai i finauga a le loia sa tauaveina tagi e lua a sui faatutū o le pati faaupufai o le Faatuatua i le Atua Samoa ua Tasi, ona faamalieina le faamasinoga i mau sa ia folasia e teena ai le talosaga sa faaulu e le loia a sui tauva o le vaega e […]
16 tagata palota o le itumalo o Falealupo o loo iloilo o latou agavaa
Ua na o le 96 tagata palota o le itumalo faapalota o Falealupo sa fesiligia o latou agavaa e lesitala ai i le lola a lea itumalo ae lē silia i le to’a selau. Ua toe faasa’o e le Komesina o faigāpalota lea fuainumela i le feiloaiga ta’i vaiaso ma tusitala i le Aso Lulu […]
Lagolago isi ae faafaigatā isi i le taimi o fautuaga o le galulolo
E iai vaega o le tatou atunuu sa molimauina ai le o’oo’o o le sua o le tai e māfua i fautuaga o le galulolo sa lapata’ia ai nisi o atunuu o le lalolagi ma le Pasefika, e māfua i le mafui’e malosi sa lūlūina ai se motu o le atunuu o Rusia i le […]
“E solitulafono le faai’uga a Falelatai”…Komesina o Faigāpalota
E mafai ona lu’i i le Faamasinoga Maualuga a le atunuu le faai’uga a Falelatai e pei ona tapu ai vaega faaupufai ona afea le afio’aga i ni faalauiloa o faatosina o le palota poo le faatutū ai foi o ni laupapa e faalauiloa ai sui tauva. O se faai’uga e lē o aafia ai […]
Faaopoopo le isi soifua ua fano i āuga o le fiva o ponaivi
A o faagasolo ai galuega o le puipuiga o Samoa mai le pepesi o le vairusi o le fiva o ponaivi ma tapunia foi a’oga uma i lenei vaiaso, ua faailoa i ni lipoti lata mai le fano o le ola o se isi tamaitiiti e 5 tausaga le matua ona o āuga o lea […]
Umusa le galuega o le suāvai mamā mo Satupaitea
E lata i le ‘afa miliona poo se aofa’iga e 457 afe 896 tālā Samoa le tau na faatupe ai i se fesoasoani a le malo o Iapani le galuega o le suavai mamā mo le itumalo o Satupaitea. O se galuega ua mafai ai nei ona maua e tagata o loo faamautū i Satupaitea […]
Aofia Samoa i le polokalame o Visa e nofo ai, faigaluega, ma a’oa’oina i totonu o Ausetalia
Ua aofia nei Samoa ma le atunuu o Kilipati i le polokalame a le malo o Ausetalia e talosaga ai mo Visa e mafai ona ulufale ai i lea atunuu ma nofo ai, faigaluega ai, pe auai ai foi i ni a’oa’oga. Ua faaigoaina lea polokalame o le Pacific Engagement Visa, ma o le Aso […]
Faalēaogā le tagi a Muaaufaalele Mary Faafouina Taeu sa lu’i ai le monotaga a Leatinuu Wayne Sooialo
O le faamasinoga o faigāpalota e pei ona lu’i ai e nisi o sui faatutū o le palota tele ia Aokuso agavaa o nisi o sui tauva ma faai’uga a le Komesina o faigāpalota, o le tasi o tagi na amata ai galuega a lea faamasinoga i le Aso Lulu o lenei vaiaso ua faalēaogā […]