Umusa le falea’oga fou o Samatau na faatupe i se foa’i a Iapani ma le sao tau tupe o le nuu
O le tuana’i o le iva masina sa faatino ai le galuega o le fausia o se falea’oga fou mo le a’oga tulagalua a le afioaga o Samatau, o lea ua faaulufale ma umusa le galuega ma ua ulufale foi iai fanau a le nuu mo le faaaogāina, a o tau amata le kuata mulimuli […]
Limasefulutolu talosaga o le a sa’ili ai ni faamasino se to’aono o le Faamasinoga o Fanua ma Suafa
E to’a 53 tagata na talosaga e fia tautua i tofiga faamasino o le Faamasinoga o Fanua ma S uafa, ua sauni i le su’ega e sa’ili ai i latou e tauaveina ia tofi faamasino o se tasi o faamasinoga sili ona tāua a le atunuu, e pei ona su’esu’e ai mataupu i fanua faaleaganuu […]
Ulufale Vaovasamanaia Seilala Mapusua i le Moana Pasifika
Ua filifilia nei le tamalii sa avea ma faia’oga ulu o le ‘aulakapi a le Manu Samoa le afioga Vaovasamanaia Seilala Mapusua, e avea ma se tasi o faia’oga e lagolago i le tapenaina o le ‘aulakapi o le Moana Pasifika. O se fiafiaga lea i le pulega o le ‘aulakapi aemaise o le faia’oga […]
Auai le Komesina o leoleo i le fono a le faalapotopotoga o galuega faaleoleo i le lalolagi le InterPol
O le vaiaso nei i le Aso Faraile i Samoa ae o le Aso Tofi lea i Peletania o le aso mulimuli lea o le fono lona 92 a le faalapotopotoga faavaomalo mo galuega faaleoleo na amatalia i le Aso Gafua o le vaiaso nei. O lea autū o lea faalapotopotoga e ta’ua o le […]
Tula’i Willow Lealofi Faisauvale i moliaga o lona aveese faamalosi o se teineititi 17 tausaga le matua
Ua talia e le Faamasino o le faamasinoga sili, le afioga Fepuleai Ameperosa Roma le talosaga a loia a leoleo mo se taimi e faamautū ai a latou tapenaga i moliaga o se taulealea 21 tausaga le matua o Faleatiu, o loo molia i lona aveese faamalosi o se teineititi 17 tausaga le matua. O […]
To’alima sa faigaluega i le Bluebird Lumber ua sauni i lo latou faamasinoga ona o moliaga i le toesea o le $100 afe
E to’alima tagata sa faigaluega i le kamupani o le Bluebird Lumber and Hardware e aofia ai tamaitai e to’atolu ma alii e to’alua, ua latou teena moliaga uma a leoleo, e pei ona tuua’ia i lo latou toesea o se tinoitupe e silia i le selau afe tala, o se meatotino a le kamupani […]
Sa’ili e leoleo se alii Tonga e maupaolo i Savaii ona o tuua’iga i lona gaoi o se manu papalagi
O loo sa’ilia nei e leoleo se alii Tonga o lona suafa o Nicky Funaki e 38 tausaga le matua, ona o su’esu’ega i se tuua’iga e faapea na ave faasolitulafono pe gaoi e lea taulealea se manupapalagi poo se povi a se aiga i Salelologa i Savaii, ma o le nuu foi lea o […]
Sa’ili se isi vaa la’upasese fou mo malaga i le va o Upolu ma Savaii
E le’i mamao atu ni masina sa ave ai le vaa la’upasese o le Lady Samoa III e faaleleia ona afi ma isi vaega ona ua iai faaletonu, ma sa umi nai masina e lē o toe fealua’i ai lea sa, e tele taavale ma pasese e malaga ai. O faaletonu ua aafia ai lea […]
Filifilia Samoa i le polokalame e togafitia ma tafiesea ai le kanesa o le ala fanau
E fitu atunuu o le Pasefika ua aofia ai ma Samoa o le a aga’i iai se polokalame tau soifua mālōlōina e autū i le togafitia ma le tafiesea o le kanesa o le ala fanau poo le cervical cancer, lea e aafia tele ai le itupa o tinā ma tamaitai. O le fono a […]
Afea le kamupani o le Sunshine Pacific i fesoasoani tupe mo atina’e tau faatoaga ma lafumanu
O le kamupani o le Sunshine Pacific i Samoa o loo faafoe ai atina’e tau faato’aga ma lafumanu e pei o moa e fasi ma faaaogā i mea taumafa, ae faapea foi fuamoa. O se isi lea o taumafaiga a le faipisinisi lauiloa i Samoa o Frankies o loo faagaioi i vaega eseese o le […]
16 masina ua nofosala ai i le ave taavale faatamala na maliu ai lona tuaa tamā
O le faafoe o se taavale e se tagata e aunoa ma le umia o se laisene avetaavale, o se solitulafono matuiā, ma afai ae faia se faai’uga a le faamasinoga e tuu avanoa ai i se tagata e molia ma faamaonia i le avetaavale faatamala na maliu ai se tagata pe faamanu’alia, ae o […]
Tetee Mase Mahonri Schwalger i moliaga e fitu a leoleo
O le vaiaso mulimuli o Aperila o le tausaga fou 2025 ua faatulaga e su’esu’e ai e le faamasinopga maualuga moliaga e fitu a leoleo ua tuua’ia ai le susuga Mase Mahonri Schwalger, ua faamālōlō lē tumau mai lona tofiga o le faiaogaulu o le ‘aulakapi a le atunuu le Manu Samoa, e tālia ai […]
Tapena le Kalapu taalo a le Malisi i lana taamilosaga lakapi pa’i
O le pine auro ai o le ‘aulakapi pa’i a Samoa mo le taimi muamua i taaloga a le Pasefika i le tausaga na te’a nei, o se faailoga lelei lea i le siitia o lea taaloga i lo tatou atunuu. O le autū foi lea o tapenaga a le kalapu taalo a le Malisi […]
57 miliona tālā le fesoasoani a le faletupe o le lalolagi e faaleleia ai galuega o tupe faamomoli
O le lafoina mai i Samoa ma le lafo atu mai Samoa o tupe faamomoli e moomia tele ai le faaaogāina o auala faatekonolosi faaonaponei. E lē gata e mata’itū ai le saogalemu ma le malupuipuia o le feaveaiina o tupe, ae e mata’itū ai foi ma ni gaioiga solitulafono e aliali mai i le […]
Leva ona iai suiga i le vii o le fu’a o Samoa..Palemia
O suiga i le vii o le fu’a o le tatou malo tuto’atasi, ua leva ona iai, ma sa faaaogā ma pepese ai le to’atele o loo latou manatua ma silafia lelei lea suiga. Faaalia e le ta’ita’i o le Malo i se auala o faasalalauga i le gagana Samoa i Brisbane Ausetalia, o ni […]
Tuumalo le Faatonu o le polokalame fesoasoani o le ADRA
O le tuumalo o le faatonu aoao i Samoa o le polokalame fesoasoani o le ADRA a le Ekalesia Asofitu o le toe Afio mai, le faletua Susuga Su’a Julia Wallwork, o le fā’ia lea o se tasi o poutu sa lotolotoi i le tuuina atu o fesoasoani i aiga ma tagata lima vaivai o […]
Amana’ia le sao o tamaitai Samoa i faailoga taualoa a le Aiga Tupu o Peletania
E to’alua ni tamaitai o le tatou atunuu ua amana’ia a la auaunaga e le Tupu o Salesa III, e ala i ni faailoga taualoa ua tauaao iai. O ia faailoga taualoa na tuuina atu i le ulua’i tamaitai na filifilia e avea ma Loia Sili a le Malo, le afioga Taulapapa Brenda Heather Latu, […]
Faamautū le avanoa o le ‘aulakapi liki a tamaitai, le Fetu Samoa i le Ipu o le Lalolagi 2025
Ua faamautū nei le avanoa o le ‘aulakapi liki a tamaitai o le atunuu le Fetu Samoa, i le taamilosaga o le Ipu o le Lalolagi i le tausaga fou, ina ua malolo ai le ‘au a tamaitai Fiti i le faai’uga o le vaiaso, ma manumalo ai le Fetu Samoa i le Ipu faaofuofu […]
Tolo faamasinoga ma isi fuafuaga ona o aso mālōlō mo tagata faigaluega a le malo
I le faaauau ai i lenei Aso Gafua o aso mālōlō e lua mo tagata faigaluega uma a le malo lea sa amata i le Aso Faraile ua mavae e mafua ona o galuega sa latou faatino auā le taligamalo i le Fono a Malo o le Taupulega ua mae’a, ua faailoa i auala o […]
Faamautū sootaga o le Iunivesite Aoao a Samoa ma le Iunivesite o le Christ University Pacific i Tonga
Ua faamautū nei sootaga e galulue faatasi ai le Iunivesite Aoao a Samoa ma le Iunivesite i Tonga o le Christ University Pacific ina ua mae’a sainia ai se maliega i le va o iunivesite e lua, i le faamoemoe e fetufaa’i tomai tau a’oa’oga. O se maliega foi o le a saga fausia ai […]
Tatala le a’oga faata’ita’i mo fanau ua aafia i sauāga
O le kuata mulimuli faalea’oa’oga o lenei tausaga o le a ulufale ai fanau ua aafia i sauāga, lea o loo tausia e le faalapotopotoga o le Toomaga mo Ē Puapuagatia, i le a’oga faata’ita’i ua faaigoaina o Queen Camilla Pres School of Hope. O lea a’oga o loo i totonu o le nofoaga o […]
Vavalo se alii polofesa i ni aafiaga ogaoga mai le vaa goto o le Manawanui ona ua iai Samoa i le tau o afā
O le iai nei o Samoa ma nisi o motu o le Pasefika i le tau o afā poo le cyclone season e pei ona amata i le masina o Novema e oo atu i le masina o Aperila o le tausaga fou 2025. Ua faailoa ai ni popolega o le alii Polofesa lagolago poo […]
Taunuu le kamupani mo le faia o galuega e aveesea ai suāuu mai le vaa su’esu’e o le Manawanui
Ua taunuu i Samoa le kamupani mai fafo ua faaigoaina o le Salvor o le latou galuega o le taumafai e aveese uma suāuu o loo i luga o le vaa su’esu’e o le fitafita o le sami a le Malo o Niu Sila le HMZS Manawanui, o loo goto i gataifale i Saute o […]
300 tagata o lotu ma tapua’iga eseese na auai i le sauniga faapitoa a le Faatuatuaga Baha’i
O le Aso Sa o muamua nei e faia ai le sauniga faapitoa mulimuli a le Faatuatuaga Baha’i i Samoa ma Amerika Samoa i le maota tapua’i i Tiapapata, e faapitoa i tagata o isi lotu ma tapua’iga o loo auai i le Fono a Malo o le Taupulega. Ua faailoa e le faatuatuaga Baha’i […]
Taunuu uma ta’ita’i ma faaao o malo mo le fono 75 a Malo o le Taupulega
Ua taunuu uma nei faauluuluga ma faaao o malo o le Taupulega ma latou usugafono mo le amatalia o le fono autū a malo o le Taupulega o le a tatala i le malelega mai le Tupu o le malo o Peletania tele, le afioga Tui Taumeasina Salesa III, i lona tulaga o le faauluuluga […]
Aofia Samoa i le ulua’i polokalame sikolasipi a le Tupu o Peletania
Ua avea nei Samoa o se tasi o atunuu tau atia’e ma laitiiti o malo o le Taupulega ua aofia i le polokalame sikolasipi a le Tupu o Salesa III, e pei ona aofia ai ma isi atunuu laiti tau atia’e o malo o le Taupulega. O le Iunivesite Aoao o Samoa na faalauiloa ai […]
Tatala e lana Maiesetete Salesa III le nofoaga mo tagata lautele i Togitogiga, le Pupu Pu’e National Park
E ui ina to’ulu timuga ma savili faata’uta’u i le aso muamua o polokalame o le asiasiga taualoa i Samoa a le Tupu ma le Masiofo o le malo o Peletania, ae sa lē faaletonu ai le faagasologa o polopkalame na tapena e lo tatou malo. Na amata mai lava i le ‘ava faatupu, sosoo […]
Faailoa e Samoa i le Fono a Malo o le Taupulega lana fuafuaga e puipuia ma faasao ai ona ogasami ma meaola o le gataifale
O lea ua laasia e Samoa se isi matati’a i ana fuafuaga alualu mamao mo le puipuia o le siosiomaga mai suiga o le tau, e pei ona faalauiloa i le aso lona 4 o le Fono a Malo o le Taupulega, le fuafuaga a lo tatou malo e ala i le matagaluega o puna’oa […]
Taunuu le faigamalaga mamalu a le Tupu o Salesa III ma lana Masiofo
O lea ua taunuu manuia i o tatou fanua ma eleele le faigamalaga mamalu a le Tupu o Salesa III ma lana Masiofo o Camilla, e pei ona sa molimauina i faasalalauga tuusa’o mai le malaevaalele i Faleolo i le afiafi anapo le po o le Aso Lulu. O le tula’i faaaloalo a leoleo o […]
Afea Samoa mo le taimi muamua e Palemia o Niu Sila ma Ausetalia
Ua avea le talimalo o Samoa i le taimi muamua i le fono a ta’ita’i o malo o le taupulega, ua avea ai foi ma taimi muamua o le a tulaueleele ai i lo tatou atunuu Palemia o Niu Sila ma Ausetalia talu ona filifilia e avea ma ta’ita’i o ia malo i le tuana’i […]