Na sola le aulakapi ta’ito’afitu a le Ott Constructors Tamauli o Salelologa ma le siamupini o le taamilosaga lona 34 faavaomalo a le Vailima Malisi i lenei tausaga.
O se finauga mata’utia na tauva mai ai le ‘au a le Tamauli ma le BBE Vaiala i le Ipu autu ma i le i’uga e na’o le lua points na eseese ai ‘au e lua.
Tula’i mai le i’uga o le taaloga 14 le Tamauli i le 12 a le BBE Vaoala. E pei ona silafia o le ‘au a le Tamauli e iai foi nisi o alo ma fanau o le atunuu sa fai ma ave fu’a a Samoa i taaloga tetele e pei o le alii o Elisapeta Alofipo lea sa avea ma tamā taaalo o le taaloga (player of the match).
O lenei taamilosaga faaletausaga e faailoa ai taleni a fanau a le atunuu ma vaavaai ai foi le to’atele o faiaoga i le agavaa o nisi tama taaalo e ono piki i ‘au tetele a le atunuu.
