Ua agai le malo e faatalanoa se faiga o le a fai i le alu i luga o le fuainumera o tupulaga talavou e vape.
Mai le minisita lagolago o le soifua maloloina Ayesha Verrall o le vape o loo aogā e fesoasoani i tagata o loo taumafai e momotu le ulaula tapaa ae le o le ulaula ai o fanau.
O lea e solitulafono le tuuina atu o tapaa nei e ta’ua o vaping products pe faatauina atu foi i soo se tasi e i lalo ifo o le 18 tausaga.
Peitai o le faatupulaia o fanau ua faaaogaina vaping products ua vaavaai ai ma le malo i suiga e aofia ai le vaavaai e taofia le toe tatala o nisi faleoloa o loo faatauina ai oloa nei e latalata i aoga ma malae taalo; suiga i faalauiloa; faaopoopo taiala mo le saogalemu o oloa nei; atoa ai ma le faaitiitia o le nicotine salt concentration o loo faatagaina i vapes e na o le faatasi ona ula ma lafoai.
Na saunoa manino le minisita o ni suiga o loo taumafai e taofia ai le tagofia e tupulaga talavou.
A o faatalanoa ai suiga nei mai ia Nancy Loucas o loo tu mo le Aotearoa Vapers Community e na te lagolagoina taumafaiga ua faailoa mai, ae ua ia tuuaia le lē malosi o le tulafono o iai nei.
