E eseese lava aafiaga o le Pasefika mai le El Nino, poo le tau mafanafana ma le fegasoloaiga o suiga o le tau o loo matuai malulu ai nisi vaega o le kelope ae faatetele le mafanafana i isi vaega.
Ae i le Pasefika e iai atumotu o loo tigaina i le vevela ae o isi o le mamafa o timuga pe a faatusa i isi tausaga i le taimi lava lenei.
Mai le sui o le ofisa o le vaaitau o le tau vevela o loo matuai iloga ona tigaina ai atunuu i le itu i Saute lea e aofia ai ma Rarotonga, ma ua sau ai le fautuaga e faasao le suavai.
O Fiti na faamauina i le masina talu ai le pa’ū o le suatimu e faatusa i isi tausaga ma e foliga mai e alualu ai lava faapea i masina o i luma.
O atunuu foi sa masani ona leai se timu i le tau lenei, o lea ua faamauina le mamafa o timuga.
I suiga lava o le El Nino, o loo sau ma fautuaga e ono faaopoopo le fuainumera o afā e oo mai i le Pasefika i le vaitau lenei, ma o le masina o Fepuari faasolo atu ia Mati e ono oo mai ai ma e tāua ai le tapena o le Pasefika.
O fesuiaiga o le tau i le Pasefika ona o le El Nino e ono faasolo atu i le masina o Me.
