Afai ae taunuu le fuafuaga a le Council a Ueligitone faatatau i le suiga o pakaga o taavale, o le a aafia ai le oo atu i le 1200 tagata faigaluega i le falemai.
O lea ua manao le Council a Ueligitone e faatapulaau i le na o le 2 itula le umi e paka ai le tusa ma le 2500 taavale, seia vagana ai tagata e nonofo i pitonuu nei o le a iai lava le faatagana faapitoa.
I le taimi nei e 169 kapaka o loo faaaogā e tagata o loo aumau ai.
O le Aso Lulu na talanoaina ai e councillors lenei fuafuaga ma o le vaiaso fou o le a aumai ai i tua i tagata lautele auā faatalanoaga.
A o talanoaina ai lenei mataupu ae o le aufaigaluega a le falemai e tusa lea o le 800 – 1200 lea o loo paka i luga o le auala, tagata o le a matuai aafia ai ma o lona uiga o le paka mamao ese atu ma le falemai.
Ae i lona itu e lelei ai o le a faigofie ona maua paka mo tagata o loo agai atu i le falemai mo siaki ma asiasiga.
