E lata i le 100 auaunaga a pasi o le a faamalolo le tumau mai Aukilani a o taumafai ai le pulega e unaia tagata ina ia faaaoga auaunaga o femalagaa’iga lautele.
Fai mai le Newstalk pe a ma le 12 afe auaunaga a pasi i Aukilani o le a faaauau pea i aso taitasi lea e aofia ai le tusa ma le 85 pasene o le network.
Ua ta’ua o i latou o le a matua aafia i suiga e aofia ai le Citylink, le Inner Citylink ma le Northern Express.
O pasi e feoai i le ogatotonu o Aukilani lea o loo ta’ua o le a matele iai suiga o le a faia, e aveesea ai auaunaga.
Faalauiloa mai e le Auckland Transport le faaitiitia o auaunaga e ala i feoaiga a pasi ma ta’ua ai o le a tuuina ai foi le avanoa mo se faaiuga mautu e faia e uiga i le faaaogaina o ia auaunaga lautele.
