Ua vaavaai le pulega o taavale afi, le Waka Kotahi e faia laisene avetaavale e mafai ona teu i totonu o telefoni feaveai.
O se suiga e ono moomia ai le suia o tulafono faapea le faiga fou e tatau ona faia ai laisene avetaavale, ae o afea foi e moomia ai le faafoi atu o laisene o loo faaaogaina nei.
I se faamatalaga mai le pulega o loo taua ai, e iai sui o loo vaavaai i itu nei, ma o lea faatoa amata suesueina.
I ripoti i tala a le Newshub o le mafai ona teu malu o laisene avetaavale i totonu o telefoni o le a faafaigofie ai ona feaveai, ma o loo galulue foi ia faafaigofie ona iloa ai online aso e faagata ai sala, o lesitala faapea ma peimeni o loo nofoaitalafu ai.
O se suiga o le a tapa ai foi e le pulega le galulue faatasi ma le matagaluega o le va i fafo lea e fesootai ai tekonolosi ma faafaigofie ona faamaonia faamaumauga.
O le tausaga fou lea ua ta’uta’u e ono faalauiloa ai lenei faiga fou.
