Ua suia nei tulafono a le vaega o le soifua maloloina, e ala I le tatau I tagata faigaluega I nofoaga o loo faanofoesea ai I latou mai fafo ona faaaogaina masks o le ituaiga N95

E le I mamao atu na sau ai I tua ripoti I le faasea a nisi o fomai tausi soifua I le le tofusia o masks N95 e puipuia ai I latou mai tagata o loo faanofoesea, ma o le suiga ua faailoa mai ananafi ua faia ai I le maea faamaonia o nisi o le aufaigaluega ua maua I le koviti ao o latou faaaogaina le mask taatele lanu moana ae le o le N95

I le tali mai la o le pulega ma faia lenei suiga, e le o lava I le vaai a fomai tausimai, mafua lea e na o Ie aufaigaluega a le soifua maloloina e latalata I tagata pe tusa ma le 2 mita ma I latou ua faamaonia ua maua I le koviti e mafai ona faaaogaina Saunoa ai Kate Weston mai le faalapotopotoga o fomai tausimai I totonu o le atunuu, e tatau ona lava masks N95 mo tagata uma o loo galulue I nofoaga nei e faanofoesea ai tagata mai fafo, atoa ai ma le tuuina atu o le faitalia i le tagata faigaluega e filifili ai le ituaiga mask na te faaaogaina