Silia ma le 1,600 auala o Aukilani o le a suia le saoasaoa faatapulaa.
O suiga nei na sau ma le Auckland Transport’s Safe Speeds Programme e pei ona faaulu ai talosaga e silia ma le 8,000 e tauala mai i faatalanoaga na faia i le tausaga talu ai.
O le aso ananafi na pasia ai e le Auckland Transport lenei suiga ma e faapea e tusa ma le 980 auala o loo iai le silia ma le 70 aoga o le a aafia i le suiga lenei.
O lea foi o le a iai ma suiga o le saoasaoa faatapulaa mo le tele o auala i nuu e iai Devonport, Takapuna, Glenn Inness faapea auala tua o Manurewa.
O suiga nei o le a amata aloaia mai i le va o Tesema o le tausaga nei e faasolo atu ia Mati o le 2023.
