E lē gata o le a faaaopoopo le fuainumera o fanau Niu Sila o le a maua meaai fua o loo ofoina mai e le malo poo free lunches, ae o lea foi o le a iai le suiga i ituaiga meaai.
O lea ua faailoa mai e le malo teuteuga o le polokalame ma o ni suiga o le a faasao mai ai le $107 miliona, ma o tupe faasao nei ua maua ai ma le $4 miliona e toe faaopoopo ai ma fanau o loo i aoga amata i le lisi o tamaiti aoga e agavaa i free lunch.
E 10,000 fanau e i le va o le 2 tausaga i le 5 tausaga o le a mafai ona faaopoopo i le fuainumera o fanau aoga agavaa, ma o lona uiga o le a faaopoopo i le 235,000 fanau aoga lea o loo mauaina i le taimi nei.
O lea e $8 i le lunch o loo totogi e le malo i le taimi nei peitai o teuteuga fou ua faailoa mai o loo paketi e faaalu ai le na o le $3 i le meaai.
O se faamaoiga mai le minisita lagolago o aoga, David Seymour, o meaai e iai sanuisi ma fualaau’aina lea o loo sau i le lisi o teuteuga o meaai e maua e fanau.
Puna o Faamatalaga: Students to receive sandwiches and fruit under overhauled school lunches programme, not ‘woke’ sushi – David Seymour | Newshub
