Tumau pea le matagaluega o Leoleo I Samoa ile latou faaiuga na faia e toe faafaigaluega ai le susuga Kenneth Komiti ole prosecutor a leoleo lea na tuuaia ile suia o pepa a le faamasinoga. Lipotia ile RNZ ile aoauli nei le mataupu lea na faailoa ai e le sui komesina o le matagaluega Afamasaga Samuelu e le o lava faamaoniga a leoleo e faaauau ai ni moliaga faasolitulafono ma ua faia ai le faaiuga e pei ona iai a le matagaluega.
Taua ile lipoti o Komiti sa molia I moliaga o le amio le taupulea ma sa ia ioeina ma ua faia le faaiuga e toe faafaigaluega o ia ae I seisi tulaga I lalo ifo, lona uiga mai le asiasi leoleo poo le inspector ile satini sinia.
Faailoa foi e le RNZ o Komiti sa avea ma faauluuluga o le vaega lea, police prosecution ile silia ma le 10 tausaga ma sa faamalolo le tumau foi ile tausaga na tea nei ona o se mataupu sa aofia ai na solia ai aiaiga o le faatinoina o tiute.
Ua taua ile lipoti ua faasee ane nei Komiti ile vaega o auaunaga lautele a leoleo.
