A o agai atu i le tau mafanafana, e ono le omai le faitau afe o turisi na tuu e omai iinei ona o sā o le Koviti a Niu Sila.

Molimau a le Tourism Export Council, e tusa ma le 20% o tagata feoai mai Amerika na fuafua e omai iinei o lea ua toe sui mafaufau.

Molimau a le pule sili o le council, Lynda Keene i tala a le Newstalk ZB, o siaki o le toai taunuu mai, traffic light system ma traveller declaration o loo faatumu a o lei ulufale mai i Niu Sila o mafuaaga tetele ia o loo toe faaluafesasi ai faaiuga a turisi.

Na sau ai ma le lu’i a lē vave ona toe suia sa o le Koviti a Niu Sila ma taumafai ia tutusa ma isi atunuu, o le a gau le 10 – 20% o turisi.

I le tele o atunuu o loo faalagolago malosi i alagatupe mai le maketi o turisi o lea ua le toe iai ni pepa faatumu poo le tapa foi o siaki o le Koviti, e pei ona sau ai foi le tala mai Fiti o lea o le a le toe moomia le tau faia o siaki o le Koviti pe a taunuu.