O le a sui le faiga e logoina ai tagata poo paaga a le Australia Post pe a misi se kiliva.
Ua lipotia e le 7News o le a lē toe faaaogāina e le Post tamai feau tusitusia e pei ona masani ai i luga o se card peitai ua folafola o le a faaaogā ni faiga faaonaponei ae o le a tumau pea cards ia mo i latou e fiafia pea iai.
O le app a le AUSPOST lea o le a tuuina ai ia faailo ma faailoa ai i tagata le taimi o le a kiliva ai lana afifi ma poo fea foi e agai iai e piki ai a latou uta poo faamomoli pe a manaomia.
E manatu le pulega a le falemeli o se gaioiga lea o le a faaitiitia ai le aofai o pepa ma’umau aemaise mo i latou e mafai ona download le app lea e faafaigofie ai mea uma.
