E lima vaiaso le umi e ono faatalitali ai pea oloa o loo aumai mai Europa ma Peretania, a o fesuiai ai auala o vaa e mafua i osofaiga o loo aafia ai nei le Red Sea.
O le alavaa pisi tele lea ua aafia i osofaiaga a Iran, ma a o faaaogā ai nei le Cape of Good Hope, o lea ua faaopoopo ai ma le umi e sau ai le vaa la’uoloa.
Ua fai mai ai ma le Retail NZ e ono faatuai ai ma le oo mai o oloa mo le Eseta o lenei tausaga, ma e lē gata la o le faatuai ae o le alu ai foi i luga ma le tau o faamomoli faapea inisiua o loo totogi e pulega o loo aumaia oloa.
E ese ai oloa o loo faatau mai, ua iai foi ma le popolega i le aafiaga o oloa o loo auina atu i fafo lea e toe foi ma vaa la’uoloa nei e faamoemoe mo maketi e iai Europa, ma o le kiwifruit le faataitaiga.
O Niu Sila faatasi ma isi atunuu e 112 o lea ua mae’a faatalosaga aloaia ua tatau ona faamuta osofaiga o loo aafia ai le Red Sea.
