Fai mai leoleo pe ā ma le 10 tagata ua fasiotia i se faalavelave na tula’i mai i se nofoaga mo a’oa’oga i le ogatotonu o Sweden poo Suetena e aofia ai ma le tagata e masalomia na aga’i atu ma se fana.
Faamatala e le Palemia o Sweden o le osofa’iga lea i le a’oga i Orebro, 200km i le itu i Sisifo o Stockholm.
E talitonu leoleo o le alii na fuafuaina le faalavelave lea e masalomia o lea ua maliu ma e talitonu e na o ia na fuafuaina lea faalavelave.
Ua ta’ua e ono faaopoopo pea le aofa’i o tagata maliliu mai lenei faalavelave ona e to’atele o loo manunu’a.
Fai mai leoleo e to’a 5 tagata na tafanaina e le tagata lea i le a’oga e pei ona faailoa, ma ua faailoa e leoleo o le a faasoa mai faalaua’itele nisi faamatalaga pe a mae’a le su’esu’ega a leoleo ma le malo.
Puna o Faamatalaga: https://www.bbc.com/news/articles/c79d52gpd02o
