Ua tālia nei suesuega e faia i le tino maliu o le tamaitiiti na maliu faafuasei i Timaru i le faaiuga o le vaiaso talu ai.
O faamaoniga mai leoleo i le tea o le tasi i le aoauli o le Aso Toonai na lipotia mai ai, ma i lipoti a le Stuff o loo ta’ua ai o lea na maliu ai lava i le fale.
O le amataga o le vaiaso na fai mai ai lipoti a le ofisa e lē o iloa tonu le mafuaaga ua uma ai lona ola, ma o loo faaauau pea suesuega faapea faatalanoaga.
Mai le Kainga Ora ananafi, o se faanoanoaga le maliu faafuasei o lea alo i se tasi o fale o le malo i Timaru ma o loo galulue pea nei ma le aiga o le tamaitiiti i lenei taimi faigata.
