O lẽ o mālōlō lava le faatino ai o galuega sa’ili ma su’esu’ega a leoleo e taumafai lea e taofia le oo mai i totonu o Niu Sila o fuālaau faasāina e pei foi ona faatino se tasi o galuega tele ua faaigoaina o le Operation Laver.
O lenei galuega o loo taula’i i galuega a faalapotopotoga o loo faatinoina faiga faasolitulafono National Organised Crime Group o loo faasolo a latou gaioiga e faaaogā ai auala o initaneti palapalā (dark web).
Na faailoa e le Satini Sinia o se leoleo su’esu’e faapitoa foi ia Reece Sirl, o loo faasolo a latou su’esu’ega i se tasi o tagata – e iloga lona faaaogāina o itulau palapalā tele i totonu o Niu Sila poo le (dark web server).
I ripoti a leoleo e faapea, o le itulau a lenei tagata na faaaogā e faatino ai le oo atu i le 2,800 o fefaataua’iga o fuālaau faasāina mai le va o le masina o Iuni 2025 aga’i mai i le masina o Mati 2026.
Faailoa e leoleo, i totonu o le 9 masina e lata lava i le 1.2 miliona le tupe maua mai i nei fefaataua’iga.
I ripoti a leoleo, o loo māua ai pe tusa e 13 ituaiga fuālaau faasāina na faatauina i le va lea, e aofia ai le ‘aisa o le methamphetamine, cocaine, MDMA, GBL ma le ketamine.
O le vaiaso talu ai sa faatino osofa’iga a leoleo e faaaogā ai pepa faataga poo search warrant i se tasi o nofoaga i se nuu i tua i faaitu ia Mātū o Aukilani.
Faamanino mai e le satini sinia ia Reece Sirl i le latou osofa’iga na o latou maua ai le tele o fuālaau faasāina ua fefiloi solo, o loo i se tulaga ua amata tapenaina mo le faatauina atu.
E $55,000 le tupe na maua maua ua taofia nei.
E 35 tausaga le matua o se alii, ma se tama’ita’i e 32 tausaga le matua na taofia e leoleo mai lea nofoaga, ua tutula’i foi i luma o le Faamasinoga Faaitumalo i North Shore.
Puna o Faamatalaga: https://www.facebook.com/share/p/171oiLu51v/
