Ua suesue le mataupu na ave faamalosi ai e leoleo le alii talavou ua tuuaia ai sui o le ofisa i le gau o lona lima.
O Tanielu Fatupaito, 16 tausaga na ave faamalosi e leoleo i le tausaga fou i le mae’a faatu e leoleo o le taavale sa iai ma lana uo ma tagata matutua e toalua.
Ripotia e le 1News o lea na faatu e leoleo le taavale ma faatalanoa le faasā o le taumafa ‘ava i lea pitonuu, mulimuli ai tauivi Tanielu ma leoleo lea ua ta’e ai ma le ponaivi o lona lima.
Molimau a le tagata matua e le o faailoaina ma o ia foi lea na aveina le taavale, na sui faafuasei le auala na faatalanoa ai latou e leoleo ina ua o latou vaaia o loo laeiina e le tasi tagata matua sa i totonu o le taavale ofu o le kegi.
I lipoti sa ta’ua ai, na muamua teena e leoleo tuuaiga faasaga ia i latou ma le malosi tele ua mafua ai ona afaina le lima o le alii talavou, peitai i nai itula mulimuli ane ae toe sau le tala ua faia suesuega i le mea na tupu.
E leai se isi sa i le taavale e aofia ai ma Tanielu ua faia ni moliaga, ma o Tanielu foi o le atalii o le taitai o le Mongrel Mob i Waikato.
