O loo suesue nei e se ‘au o saienitisi Ausetalia pe faamata e mafai ona kilivaina le tui puipui ole koviti 19 ise spray o le isu nasal spray ae le o le faia o le tui. O le faiga lea e faaigoa o le NanoCelle e le manaomia ai se fomai pe ao foi ona tuuina I se pusa aisa ao lei faaaogaina.
Afai ae manuia lona uiga o le a faaitiitia foi galuega mo fomai faalotoifale, GPs ma faletalavai. Na maua e le Medlab Clinical se fesoasoani tau tupe mai le faigamalo a Niu Sau Uelese mo le faatinoina o le suesuega lenei ma ua galulue faatasi ai ma le Iunivesite o NSW ma le Macquarie University. Taua e le Ofisa sili o le Medlab, Dr Sean Hall,ile Channel 9 News o loo iai le faamoemoe afai ae manuia, ia mafai ona faaaoga le spray lea mo nisi taimi e toe pepesi mai ai le faamai ile lumanai.
