E lei maua e leoleo le tino maliu lea sa mu faatasi ma le taavale na maua i Havelock North, e ui o lea sa o iai i le Aso Toonai.
O le taeao o le Aso Toonai na ripotia ane ai e se tasi i le ofisa o leoleo le taavale o loo mu i le paka, ma e faapea o masalosaloga o le na valaau ane i le ofisa o le tino o le meaola o loo i le pito i tua o le taavale (tulou).
Na o ai loa ma leoleo faia suesuega i lea taavale, peitai latou te lei mauaina i lea taimi ma e faapea o le Aso Gafua o le vaiaso nei faatoa iloa ai.
Mai le sui o le ofisa ua faia ai nei suesuega pe faafefea ona misi ma o le a toe iloilo ai foi ma le auala na tali atu ai sui o le ofisa.
Ae i nisi na molimau i tala a le leitio a Niu Sila e faapea na matuai faaleagaina le taavale i le afi.
E oo mai i le taimi na tuufaatasia ai tala fou e le o iloa poo ai lea ua maliu ae pe na faapefea foi ona uma lona soifua e tusa ma faamaoniga a leoleo, ma o lea ua toe tatala le paka na faasa ona o suesuega.
