O loo faatino nei suesuega a leoleo i se faalavelave ua maliu ai se tagata i se fale i Otara.
O loo ta’ua i le stuff.co.nz o Ida Mahia na maliu i le fale lea i le aso 19 o Tesema o le tausaga na tea nei, ae e tele mea e le o manino mai o lenei faalavelave ma o loo faatino ai pea i le taimi nei le galuega a leoleo.
O le fale e i luga o East Tamaki Road ma ua faailoa sa aumau ai le tagata lea sa molia i le fasioti tagata paivalea ae faatoa 12 tausaga le matua i le 2001.
Fai mai o le fale lava foi lea sa fasiotia ai e le tausoga o le tagata lea ia ia lava i le 2017 ae na o le 14 tausaga le matua o lona soifua.
O lē ua maliu nei o Mahia, ua atoa le lima tausaga o aumau ai i lea fale, ma fai mai tuaoi e manatu e lē aiga i le alii e pei ona ta’ua o Bailey Junior Kurariki lea sa aumau ai i lea fale.
E le o iai se mafuaaga o le maliu o lea tagata i le fale lava lea e pei ona lipotia, ma o loo faaauau pea suesuega.
