Na suesue e leoleo se tasi o fale i Mangere Bridge i Aukilani o loo masalomia e fesootai ma le tino maliu na maua i totonu o le taavale i le Aso Faraile.
O le aoauli o le Aso Faraile na oo atu ai se tasi o tama i le ofisa o leoleo i Manukau ma o le taavale lava lea sa iai i totonu le tino maliu.
O le na alu atu i le ofisa o leoleo lē ua molia ma o loo taofia nei i lalo o le vaavaaiga a leoleo.
O le Aso Toonai na tulai ai le 24 tausaga i luma o le faamasinoga faaitumalo i Manukau e tali i moliaga o le faaoo manua, ae mai leoleo e ono suia lea moliaga ma e toe tulai i luma o le faamasinoga i le vaiaso nei.
O lea ua faatu nei le faleie a leoleo i Mona Street ma faaauau ai a latou suesuega.
