Fai mai o loo suesueina nei e leoleo ni fale i le faaitu o Glen Eden i le asō.
Ua ta’ua e leoleo o nei suesuega sa fuafuaina ona o sa latou suesuega faaauau ma e le o mafai ai ona tuuina mai se faamatalaga mautu seia mae’a le suesuega.
O molimau a nisi mai le faaitu lea pei ona lipotia e le Newstalk ua ta’ua ai e foliga o ni laau faasāina o loo aofia ai i lenei mataupu.
Faamautu mai e leoleo e le o iai se lamatiaga o nei suesuega i le atunuu lautele ma o le a maua se atoaga o se lipoti i le mataupu pe a mae’a suesuega.
