Ole aso ua fuafua e tutulai ai ile faamasinoga faaitumalo I aukilani nisi o I latou sa pueina e leoleo I le vaiaso nei ona o le mataupu e faatatau ini faiga faasolitulafono e aofia ai se vaegatupe e oo atu I le 120 miliona.
E 23 suesuega na faia a leoleo I le aai I le vaiaso nei ua pueina ai tagata e toafitu e aofia ai tagata Saina e toaono ma le Ausetalia e toatasi. Na ave ai e leoleo ma taavale taugata o le ituaiga o le Bentley, Porsche ma range rovers.
Faailoa e leoleo ise pepa o faamatalaga ole latou suesuega ua iloa ai o I latou nei e oo atu I le silia ma le 120 miliona tupe na fai ai a latou pisinisi ma e ui o nisi o nei tupe o loo faatulafonoina, ae e masalo leoleo ose vaega tele o nei tupe na maua ini auala faasolitulafono. E 8 fale ua faoa nei e leoleo mai Aukilani tutotonu, Albany ma Glenfield ina ia faatino ai le suesuega. O I latou na pueina e aofia ai alii e toa6 ma le tamaitai e toatasi ma o loo faia nei suesuega
